Meginreglur: Kognitiv viðgerð er ein innlitsgevandi viðgerðarháttur, ið tekur støði í aktuellum trupulleikum. Virðing er fyri sjúklinginum og hansara trupulleikum, og arbeitt verður út frá sjúklingsins egnu raðfesting av trupulleikum. Fokus er á tonkum og fatanini av støðum. Arbeitt verður við avmarkaðum pørtum av viðurskiftum í lívinum hjá tí einstaka. Viðgerðin er strukturerað, málrættað og tíðaravmarkað.Tosað verður opið um diagnosu, og við psykoedukatión kann ein gerast tilvitaður um, hvussu sjúka ávirkar lívið.

Formur: Skipaðar, terapeutiskar einstaklingasamrøður -ella bólkviðgerð einaferð um vikuna.

Bólkaviðgerð í mun til ótta ella depressjón fevnir um:

Luttakaratal á 6-12 luttakarar, blandað menn og kvinnur
8-10 ferð á uml. 2-3 tímar
Undirvísing um viðkomandi viðurskifti, í mun til annaðhvørt ótta ella depressjón
Luttakandi undirvísarar eru sjúkrarøktarfrøðingar og heilsurøktari við kognitivari grundútbúgving og- ella- víðari útbúgving.

Innihald:Tosað verður um “tey fýra beinini” í kognitivum viðgerðarhættum:

Psykoedukatión, ið er skipað undirvísing í mun til sjúkuna, ein hevur.
Sosial førleikavenjing, at kunna virka betur millum onnur.
Kognitiv viðgerð, ið millum annað fevnir um at menna førleikan at hugsa meira realistiskt og fleksibult og at betra um førleikar í kensluligum støðum.
Kognitiv venjing, sum millum annað tekur støði í at betra um kognitivu funktiónirnar og sostatt almenna virkisstøðið.

Psykososial átøk:

Um neyðugt, tvørfakligt- og tvørgeiraligt samstarv við eitt nú avvarðandi, almannaverk, skúla og arbeiðspláss.
Um neyðugt, netfundir, ráðgeving, vegleiðing og undirvísing

Les meira um kognitiva viðger her

Kognitiv viðgerð

Landssjúkrahúsið

Visión

Fá tað nýggjasta frá Landssjúkrahúsinum