At verða avvarðandi sjálv hevur givið mær nakrar royndir, sum geva mær eina djypri fatan av støðuni hjá avvarðandi. Mín fakligi kunnleiki sum sjúkrarøktarfrøðingur og mínar royndum innan arbeiði við fólki við sálarligum sjúkum ella viðbrekni, eru við til at gera, at eg kann ruma og veita avvarðandi umsorgan, hjálp og kunning á ein heilt serligan hátt.

Tað kann tíðum vera strævið at vera avvarðandi. Tí er neyðigt, at hin avvarðandi lærir seg at hava umsorgan fyri sær sjálvum, so at hann betur megnar at stuðla honum ella henni, hann varar av. Tað er prinsippið við iltamskuni, sum er í flogfarinum: Latið tykkum í egna masku, áðrenn tygum hjálpa øðrum". Tá kann hin avvarðandi vera ein ressursa.

Avvarðandi at fólki við sálarsjúku hava tørv á

At verða sædd, hoyrd og rúmað
At fáa betri innlit í, hvat sálarsjúka ger við tann sjúka
At fáa betri innlit í, hvussu sálarsjúka ávirkar tey avvarðandi
At hava tað gott, hóast umstøðurnar
At tosa við ein, sum sjálv kennir til at verða avvarðandi hjá einum við sálarsjúku

Umboð fyri avvarðandi

Kann tosa við avvarðandi um tað, sum liggur teimum á hjarta
Er bindilið millum avvarðandi og starvsfólk
Kann hjálpa, tá avvarðandi skal til truplar samrøður um tann sjúka

Endamálið við umbonum fyri avvarðandi er

At skapa forstáilsi og opinleika um tann sálarsjúka
At verða við til at minka um skuldarkenslur, sum er ein tungur fylgisveinur í hesum trupulleika
At upplýsa og geva sína servitan víðari

Hentar heimasíður

Avvarðandiumboð

Umboð fyri avvarðandi

Telefontíðir

Landssjúkrahúsið

Visión

Fá tað nýggjasta frá Landssjúkrahúsinum