|
|
Menningartarn verður eisini kallað oligofreni, og sum øll onnur, kunnu eisini fólk við menningartarni fáa psykiatriskar avbjóðingar. Tað er psykiatriski parturin, sum er serkunnleiki á Psykiatriska deplinum og ikki menningartarni í sjálvum sær.
Les meira um oligofrenipsykiatri her
Oligofrenitoymið á Psykiatriska deplinum
Viðgerð av psykiatriskari sjúku hjá vaksnum við menningartarni
Endamálið er at veita fólki við menningartarni eitt rúmligt tilboð, har veitt verður dygdargóð viðgerð, íð livir upp til nútímans krøv í mun til aktuellan sálarligan trupulleika, við sjúklinginum í miðdeplinum. Strembað verður eftir eini heildarfatan av sálarstøðuni hjá honum ella henni, sum hevur menningartarn. Endamálið er eisini at virka heilsufremjandi tvs. styrkja lívsmót, gleðið, evnini at virka og kensluna av yvirskoti í gerandisdegnum, umframt at arbeiða frá ósjálvbjargni til økt sjálvbjargni og fyribyrgjandi við at kunna, undirvísa og vegleiða bæði sjúkling, starvsfólki og avvarandi.
