Útgreining- útgreiningin verður gjørd av einum toymi ið umfatar lækna, psykolog og sjúkrarøktarfrøðing við servitan innan ADHD
Uppfylgjandi samrøður
Uppfylging av heilivágsviðgerð
Bólkaviðgerð
Psykoedukatión

Tilgongdin til økið vaksin við ADHD er vaksandi á Psykiatriska deplinum.

Alsamt fleiri fáa staðfest ADHD sum børn ella ung, og kanningar vísa, at fleiri teirra hava framhaldandi tørv á viðgerð tá tey eru vorðin vaksin.

Orsøk: Mett verður at 76 % av tilburðunum av ADHD skyldast arvafrøðið

Útbreiðsla: Mett verður at uml. 2 % av øllum vaksnum dønum, t.v.s. uml. 100.000 danir hava ADHD. Vit hava tíverri ikki føroysk tøl, men verða donsku tølini umroknað við sama lutfallið til Føroysk tøl, kann roknast við at tað eru eini 1000 vaksnir føroyingar, ið hava ADHD.

Ofta fylgir niðursett lívsgóðska við óviðgjørdari ADHD, eins og aðrar psykiatriskar sjúkur kunnu fylgja við sum t.d. ótti og tunglyndi.

Rátt verður til at seta inn á fleiri økjum í senn:

Heilivágsviðgerð, í gevur bata í mun til kjarnueyðkennini til umleið 70 % av teimun vaksnu við ADHD. Kjarnueyðkennini eru ónøktandi uppmerksemi, trupuleikar við at hugsavna seg, impulsivitetur og innara rastloysi.
Psykososial átøk, ið fevna um psykoedukatión, atferðarterapi, sosiala førleikamenning – saman við ávísari broyting innan umhvørvið, t.d. við at ráðgeva, vegleiða og par- ella familjuterapi. Hetta hevur týdning, bæði í mun til kjarnueyðkenni, og til at minka um fylgjurnar, sum kunnu standast av ADHD.

Les meira um ADHD hjá vaksnum her

ADHD

Landssjúkrahúsið

Visión

Fá tað nýggjasta frá Landssjúkrahúsinum