Sjá faldara um demensklinikkina her

Demensklinikkin er ein partur av Psykiatrisku deildunum á Landssjúkrahúsinum.

Hvat er demens 
Demens er eitt felagsheiti fyri fleiri heilavirkisviknandi eyðkennum:

Minnið er farið at bila, tvørrandi hugsavning, talubrek og ættarskil (orienterinsevne); mangan hevur tað við sær broytingar í persónleika, atburði og hýri.
Fyrr varð minnisloysi á ellisárum mangan í vanligari talu kallað kálking ella barndømi. Men minnisloysi er eitt sjúkutekin og ikki bara ein nátúrlig avleiðing av elli. Atvoldirnar at minnisloysi (ella stuttminni) kunnu vera mangar – eitt nú blóðtøpp í heilanum, heilaskaða eftir vanlukkutilburð, eitran av heilivágshjáárini ella rúsdrekkamisnýtslu.

Endamálið við demenstoyminum er:

• At bjóða útgreining fyri demens
• At finna / útiloka aðrar sjúkur, sum kunnu geva demens
• Í løtuni hava vit viðtalur úti í økinum. Í Klaksvík, Eysturoy, og Sandoy.
  Har eru vit á antin røktarheimum, bústovnum ella sjúkrahúsum.

Hvat gera vit:

• Likamligar kanningar
• Ymsar mentalar kanningar
• Tosa við viðskiftafólkið
• Tosa við avvarðandi
• Geva ráð
• Bjóða viðgerðartilboð
• Vísa á onnur viðgerðartilboð
• Vísa á møguleikar í samfelagnum

Sjá faldara um neuropsykologiska kanning her

Ávísing til viðgerð
Viðgerð á Demensklinikkini á Psykiatriska deplinum fæst við ávísing frá kommunulækna.

Hentar heimasíður:

Alzheimerfelagið

Videnscenter for demens