Kunning fyri miðnámsskúlanæmingar

Lesandi og flokkar, sum ynskja at sleppa inn á LS at heilsa upp á starvsfólk og hoyra um útbúgvingarmøguleikar, kunnu bíleggja eina vitjan.

Vit seta saman eina skrá, har næmingar í tann mun tað ber til, sleppa at heilsa upp á og hoyra um virksemi í ymisku yrkisbólkunum.

Send ein fyrispurning til Starvsfólkadeildina, hr@ls.fo

Samstarv við lesandi

Landssjúkrahúsið vil fegin samstarva við lesandi á bachelorstigi, masterstigi og phd-stigi um uppgávur/ritgerðir/evnir, ið eru viðkomandi fyri Landssjúkrahúsið og tann lesandi. Her kann verða talan um fakøkir so sum læknafrøði, sjúkrarøktarfrøði, lívfrøði, biomedicin, búskaparfrøði, KT-frøði, løgfrøði, HRM, samskifti, organisatiónspsykologi, sociologi, organisatión, logistikk o.s.fr.

Í Granskingar- og Menningarlonini hjá Landssjúkrahúsinum, finnist eitt kveikjandi granskingarumhvørvi. Har húsast Fólkaheilsuráðið, Ílegusavnið, Deildin fyri Arbeiðs- og Almannaheilsu (FarGen-verkætanin), umframt granskarar á Landssjúkrahúsinum.

Fyrispurningar kunnu sendast til Starvsfólkadeildina, hr@ls.fo

Starvsvenjing fyri fólkaskúlanæmingar

Landssjúkrahúsið er nógv umbiðið í samband við at 9.- og 10. floks næmingar úr fólkaskúlunum skulu í starvsvenjing.

Vit taka 2 næmingar inn í senn, og eru teir hjá okkum í tvær vikur, har tey koma runt á ymisk støð og vit vísa teimum á starvsmøguleikar, sum heilsuverkið hevur at bjóða.

Fólkaskúlanæmingar møta í Forhøllin mánamorgun, har Starvsfólakdeildin tekur ímóti teimum, og skráin og viðkomandi kunning verður gjøgnumgingin.

Fólkaskúlanæmingar fáa ókeypis máltíð í kantinuni/kafá'ini meðan tey eru i starvsvejning, og er hetta 'samsýningin' sum LS veitir.

Fyrispurningar kunnu sendast til Starvsfólkadeildina, hr@ls.fo
Ein endamálsorðing hjá LS ljóðar:
“At vísa fólkaskúlanæmingum, okkara framtíðar føroyingar, á fjølbroyttar útbúgvingar-møguleikar í heilsuverkinum. Við vón um at starvslærutíðin skal eggjað og skapa áhuga hjá næmingum at hugsa um, at velja sær starvsleið innan heilsuverkið”

Starvsvenjing í samband við útbúgving

Tak niður faldaran til Fólkaskúlanæmingar í starvsvenjing

#Vit eru LS

Sí faldara við gerandissøgum hjá starvsfólkum á LS her.

Samband
Ynskir tú at vitja, gera uppgávu ella at koma í starvsvenjing á Landssjúkrahúsinum, ert tú vælkomin at seta teg í samband við Starvsfólkadeildina á hr@ls.fo ella ringja 304500, lokal 1099.

Útbúgving

Útbúgvingarmøguleikar

Samstarv við lesandi

Starvsvenjing fyri fólkaskúlanæmingar

Landssjúkrahúsið

Visión

Fá tað nýggjasta frá Landssjúkrahúsinum