|
|
Diagnostiski depilin søkir eftir toymisleiðara til Røntgendeildina til setan 15. mai 2024 ella eftir nærri avtalu. Talan er um eitt fast starv á fulla tíð uttan vaktskyldu.
Um okkum
Á Landssjúkrahúsinum arbeiða umleið 1100 starvsfólk, harav umleið 25 eru staðsett á Røntgendeildini – 1 deildarleiðari, 4 røntgenlæknar, 14 radiografar og 4 læknaskrivarar.
Deildin ger umleið 39.000 kanningar um árið, sum verða ávístar av sjúkrahús- og kommunulæknum, og samstarvar við onnur sjúkrahús bæði innan- og uttanlands. Eisini verða ávísar kanningar sendar uttanlands at verða beskrivaðar.
Um teg Tú hevur áhuga at arbeiða á eini deild, har nógv ferð er á, og ynskir at geva títt íkast, bæði fakliga og socialt, fyri einum góðum trivnaði. Sum toymisleiðari kemur tú, saman við funktiónsleiðaranum, at hava fakliga ábyrgd fyri røntgenøkinum afturat radiografarbeiðinum á deildini.
Býtið millum kliniskt arbeiði og fyrisiting verður gjørt í samráð við funktiónsleiðaran.
Ábyrgdarøki:
• Skipa dagliga arbeiðið á Røntgendeildini
• Tryggja at mannagongdir verða gjørdar og dagførdar
• Leggja til rættis, og gera innleiðsluætlan fyri nýsett starvsfólk
• Virka fyri einum góðum arbeiðsumhvørvi, bæði fysiskt og sálarliga
• Luttaka í setanar- og umsorganarsamrøðum
Førleikar:
• Radiografur við minst 2 ára starvsroyndum (danska autorisatión)
Dentur verður lagdur á:
• Hug at arbeiða við leiðslu
• Hug og áræði til at menna deildina
• Góð samstarvsevni
• At tú kanst arbeiða sjálvstøðugt
• At tú tolir ein fjølbroyttan gerandisdag við nógvum ymsum uppgávum
• Ert loyal/ur og hevur evni og vilja at fylgja tiknum avgerðum
• Hevur hegni til reiðiligt samskifti, bæði munnliga og skrivliga
• Dugir at lurta og vísa empati
Harumframt vænta vit, at tú tolir broytingar, ert framskygd/ur og megnar at samstarva við
nógvar ymsar fakbólkar.
Vit bjóða
• Eitt fjølbroytt starv, har tú fært innlit og ávirkan á menning
• Møguleika fyri persónligari menning og menning innan leiðslu
• Samstarv við leiðarar og starvsfólk á Diagnostiska deplinum
• Eitt gott tvørfakligt arbeiðsumhvørvi
Eitt fakliga avbjóðandi umhvørvi við fjølbroyttum arbeiðsuppgávum og kompetentum
starvsfelagum. Vit hava fokus á innanhýsis frálæru og førleikamenning.
Setanartreytir:
Toymisleiðarin vísir til funktiónsleiðaran á Røntgendeildini.
Lønar- og setanarviðurskifti eru smbært sáttmála millum Radiografar í Føroyum/Felagið
Føroyskir Sjúkrarøktarfrøðingar og Fíggjarmálaráðið.
Nærri kunning fæst við at ringja til deildarleiðaran Lisu Frederiksberg, tel 304500, lokal
5507.
Umsóknarfreistin er tann 6. maj 2024
Vinaliga søk starvið her.
Á okkara heimasíðu www.ls.fo kanst tú síggja okkara visjón, missión og strategimál undir
leinkjuni ”Um stovnin”.
