Hevur tú ringt við at hugsavna teg? Psykiatriski depilin skipar hin 28. november 2019 fyri undirvísing um kognitivar avbjóðingar. Øll eru vælkomin.
Undirvísingin, sum verður á Eiragarði 19, konferansuhøli 2, byrjar klokkan 15.30 og endar klokkan 17. Tilmelding fer fram við at senda teldupost til bilmc@ls.fo innan 26. november klokkan 17.
Les meira her
Endamálið við undirvísingini er at lýsa hvussu kognitivir trupulleikar kunnu vísa seg, hvørjar avleiðingar teir kunnu viðføra, og hvussu ein kann handfara teir best møguligt í gerandisdegnum.
Um kognitivar avbjóðingar
Kognitivir trupulleikar eru ofta ein partur av sjúkueyðkennunum í samband við psykiatriskar sjúkur. Tað vil siga, at hesir sjúklingar ofta hava trupult við at vera uppmerksamir, hugsavna seg, minnast, planleggja og hava yvirblikk, sum kann vera við til at gera gerandisdagin enn truplari bøði privat og í arbeiðs/lestrarhøpi.
