|
|
Gongur tú í 9. ella 10. flokki, hevur tú møguleika at koma í starvsvenjing á Landssjúkrahúsinum.
Tú kanst søkja um at koma í starvsvenjing hjá okkum við at senda okkum ein teldupost, og skriva hví tú ynskir júst hetta. Ymiskt er hvussu skráin sær út, millum annað kann ein royna seg á hesum økjum: Sjúkraflutningstænastuni, Fysioterapiini, Vaskarínum, Køkinum, Goymsluni, Rannsóknarstovuni og mangt annað. Er tú áhugað/ur í Køkinum, so ber tað til, at verða har allar dagarnar. Starvsvenjingin er skipað soleiðis, at næmingurin kemur runt á teimum ymisku deildunum á sjúkrahúsinum. Ein vælskipað ætlan er gjørd fyri allar dagarnir, og eru ábyrgdarfólk á hvørjari deild, sum taka sær av næminginum.
Ein endamálsorðing hjá LS ljóðar soleiðis:
“At vísa fólkaskúlanæmingum, okkara framtíðar føroyingar, á fjølbroyttar útbúgvingarmøguleikar í heilsuverkinum. Við vón um at starvslærutíðin skal eggjað og skapa áhuga hjá næmingum at hugsa um, at velja sær starvsleið innan heilsuverkið”
|
Hetta hava næmingar sagt um starvsvenjingina: "Man sleppur runt allastaðni, so man fær nógv at læra. Eg haldi at tað er øgiliga mennandi" "Tað er sera spennandi. Nógv vinarligt starvsfólk og sjúklingar. Har er nógv vitan at heinta. Tað er eisini eitt stórt arbeiðspláss, man sleppur runt at royna seg. Eg haldi eisini at tað er spennandi, at vita hvussu alt hongur saman, og hvussu tað er at arbeiða á Landssjúkrahúsinum." "Eg havi lært nógv nýtt um sjúkrahúsið, sum eg ikki visti. Tað var næstan allatíð spennandi, mær dámdi tað væl, og øll sum arbeiddu har úti dugdi væl at taka ímóti okkum." |
Les meira undir "Til næmingin" og "Til foreldur og flokslærara"
Samband
Starvsfólkadeildin tlf. 304500, lokal 1099, hr@ls.fo
