"Hvat hevur týdning fyri teg?"
Hendan spurningin fáa nógvir sjúklingar í dag á Landssjúkrahúsinum. Flest allar seingjardeildir á Landssjúkrahúsinum luttaka í árliga og altjóða "Hvat hevur týdning fyri teg"-degnum, tá sjúklingar og avvarðandi fáa høvi at greiða frá tí, ið hevur serligan týdning í sambandi við viðgerðina ella kanningina á sjúkrahúsinum.
Royndirnar siga okkum, at hesin dagurin hevur givið starvsfólkum og deildum týdningarmikla vitan um bæði stórt og smátt, sum kann gerast øðrvísi til frama fyri sjúklingin.
