29. FEBRUAR 2020
Seinastu dagarnar eru fleiri tilburðir av coronavirus COVID-19 staðfestir í grannalondum okkara og í gjár vórðu tvey fólk kannaði í Føroyum. Hvørgin teirra hevði tó coronavirus.
Heilsumyndugleikarnir fylgja væl við gongdini og eru til reiðar um ein tilburður verður staðfestur í Føroyum.
Niðanfyri er nakað av kunning um hvussu fólk kunnu verða við at fyribyrgja at smittan spjaðir seg og hvussu fólk skulu bera seg at, tá illgruni er um smittu.