Aftur í ár skipar Sjúkrahúsverkið fyri summarfundi við tey læknalesandi. Fundurin verður hildin tann 20. juli kl. 14 í Veitsluhøllini á Landssjúkrahúsinum.
Fleiri enn 100 føroyingar lesa til lækna uttanlands. Tey flestu í Keypmannahavn og aðrastaðnis í Danmark, men eisini í eitt nú Póllandi.
Seinnu mongu árini hevur verið skipað fyri fundi á Landssjúkrahúsinum við tey læknalesandi, har tey lesandi hava høvið at kunna seg um Sjúkrahúsverkið sum arbeiðspláss, og hvørjir møguleikar eru fyri útbúgvingarstørvum heima í Føroyum.
Fyri Sjúkrahúsverkið er fundurin ein góður møguleiki at halda samband við tey læknalesandi, sum ofta eru uttanlands í mong ár. Framvegis er læknatrot í Føroyum og tí er umráðandi at varðveita góðu sambondini.
Skráin fyri fundin er hendan:
- Vælkomin v/Elin Holm, yvirlækni
- Umboð frá Stjórn heilsar uppá
- Umboð fyri yngri læknar siga frá sínum starvi
- Status viðvíkjandi útbúgving av yngri læknum
- Spurningar frá læknalesandi
Fundurin verður sum nevnt hildin í Veitsluhøllini á Landssjúkrahúsinum tann 20. juli kl. 14. Tilmelding er ikki neyðug.
