Ert tú 18 ár ella eldri, og er tað í minsta lagi gingnir seks mánaðir síðan aðru koppseting, so ber til at bóka tíð til triðja prik. Neyðugu tillagingar eru nú gjørdar í bókingarskipanini.
Tað hevur í eina tíð borið til at fingið triðja prikið, tá skipað hevur verið fyri støkk-inn koppseting á teimum trimum sjúkrahúsunum og nógv hava tikið av tilboðnum. Fleiri enn 5.200 føroyingar høvdu fingið triðja prikið í gjár.
Fólk kunnu bíleggja tíð á korona.fo. Á heimasíðuni undir “koppseting” sæst eisini nær koppsett verður.
Eru trupulleikar við at bóka sær tíð ber til at skriva á koppseting@ls.fo.