Í góðveðrinum í gjár vitjaði eitt koppsetingarlið hjá Sjúkrahúsverkinum vøkru oyggjarnar Fugloy, Svínoy, Skúvoy, Dímun og Mykines.
Ikki øll hava eins góðan møguleika at koma á stóru koppsetingarstøðini fyri at verða koppsett. Tilboðið um koppseting er fyri øll, og átakið í gjár var ein liður í ætlanini hjá Sjúkrahúsverkinum at gera tilboðið atkomuligt hjá øllum.
Tilsamans 23 fólk tóku av tilboðnum um at verða koppsett, tá koppsetingarliðið vitjaði.
Fleiri myndir síggjast á facebook-vanganum hjá Landssjúkrahúsinum.
