29. MARS 2021
Av tí at koppingarevni framvegis er eftir, ber nú til hjá borgarum frá 75 ára aldur at bíleggja sær tíð til koppseting innan páskir. Hetta er galdandi fyri borgarar, sum ynskja koppseting á Klaksvíkar Sjúkrahúsi og á Landssjúkrahúsinum.
Bílegging fer fram á heimasíðuni corona.fo
Latið verður aftur fyri bíleggingartíðum, tá nóg nógv hava teknað seg.
Borgarar, 75 ár og eldri, sum ikki fáa eina tíð innan páskir, fáa møguleikan aftur, so skjótt nýggj sending av koppingarevni er komið til landið.
Sjúkrahúsverkið
Góð ráð
- Hav p-tal og fartelefonina hjá tær, tá ið tú bíleggur tíð
- Kennir tú teg ikki trygga við tøknina, so mæla vit til, at ein avvarðandi hjálpir tær
- Til ber at brúka telefonnummar og teldupost hjá tí avvarðandi, tá ið tú bíleggur tíð
- Um tit framvegis hava avbjóðingar við at bíleggja tíð á heimasíðuni, ber til at fáa hjálp
við at ringja á 30 45 45
- Tá ið tú bíleggur, velur tú fyrst koppsetingarstaðið og so eina tøka tíð í upplatingartíðini.
- Gev gætur, at Internet Explorer ikki verður dagførdur longur, men at til ber at brúka Chrome browsara