Hann boðar frá nógvum vindi av vestri og tí er avgjørt at avlýsa allar koronukanningarnar á Eystaru bryggju leygardagin. Ístaðin verður longri opið fríggjakvøldið.
Veðurforsagnirnar siga frá vánaligum veðrið í vikuskiftinum og á Eystaru bryggju kann vesturættin verða hørð. Tað ávirkar umstøðurnar at hava koronukanningar, og fyri at binda um heilan fingur, er avgerð tikin um at avlýsa allar kanningar leygardagin.
Ístaðin verður longri opið fríggjakvøldið, tá fólk kunnu lata seg kanna í tíðarskeiðinum millum kl 19.30 og 22.30.
Øll, ið vilja lata seg kanna skulu bíleggja eina tíð, áðrenn tey fara í bíðirøð. Til ber at bíleggja tíð til koronukanning á www.corona.fo.
