Í sambandi við vegagerð til nýggja H-bygningin á Landssjúkrahúsinum, verður vegurin til Kapellið stongdur frá á morgni mánadagin 9. september til fríggjadagin 13. september.
Í hesum tíðarskeiðinum ber ikki til at koyra ella ganga til Kapellið og fer tað millum annað at ávirka virksemið á Kapellinum, í Blóðbankanum, umframt vøruinnlatingina.
Tey, ið hava ørindi á Kapellinum, verða biðin um at brúka Høvuðsinngongdina. Skeltir verða sett upp í forhøllini, ið vísa veg til Kapellið.
Tað er hesin vegurin - Sandagerðisvegur - ið verður stongdur frá mánadegnum.
