Fleiri áhugaverdar framløgur verða um gransking á Landssjúkrahúsinum, har August Wang, Bjarni á Steig og Marija Todorovic fara at greiða frá sínum granskingarúrslitum.
Somuleiðis verður Bente Klarlund Petersen at hoyra.
Hon er kliniskur professari á Universitetinum í Keypmannahavn og yvirlækni á Ríkissjúkrahúsinum.
Hon granskar í samanhangi millum fysiska rørslu og musklar á molekylærum støði.
Hon hevur givið fleiri bøkur út um rørslu, kropp og heilsu, og skrivar m.a. klummur og hevur ein spurnarteig um heilsu í Politiken.
Eins og áður verður eisini postaraframsýning, har flottasti postari verður kosin.
Vælkomin á Granskingardag í forhøllini á Landssjúkrahúsinum 23. mai kl. 13.00.
Sí skrá við at trýsta á myndina niðanfyri.