Aftur í summar bjóðar Landssjúkrahúsið til átak fyri læknalesandi og yngri læknar/basislæknar, sum eru heima í summarfrí.
Fyri at knýta og viðlíkahalda samband við komandi og yngri læknar, bjóðar Landssjúkrahúsið til árligt summarátak, har Rasmus Maltesen, psykiatari og formaður í Útbúgvingarnevndini fer at greiða frá nýggju KBU skipanini. Somuleiðis fara KBU, intro og útbúgvingarlæknar at greiða frá gerandisdegnum á Landssjúkrahúsinum.
Sjúkrahússtjórin Jóanis Erik Køtlum verður til staðar, og læknalesandi fáa høvi at seta spurningar.
Átakið er eitt upplagt høvi hjá læknalesandi og yngri læknum at hitta hvønn annan til sosialt og fakligt prát afturvið einum kaffimunni, og fer fram í Veitsluhøllini á Landssjúkrahúsinum, Eirargarður 7, tann 20. juli kl. 15.00.
Summarátakið er skipað í samráð við føroyska sjúkrahúsverkið, Deildina fyri Arbeiðs- og almannaheilsu og ílegusavnið.
Tilmelding er ikki neyðug.