Býrt tú eitt nú í Eysturoynni ella í Norðoyggjum, er møguleiki fyri at fáa tikið allar vanligar røntgenmyndir á sjúkrahúsinum í Klaksvík. Sama ger seg galdandi, um tú býrt í Suðuroy, har vanligar røntgenmyndir eisini verða tiknar á sjúkrahúsinum.
Bæði sjúkrahúsini hava umstøður og fakligan førleika at taka røntgenmyndir, eins og Landssjúkrahúsið.
Tá sjúkrahúsini í Klaksvík og í Suðuroy taka røntgenmyndir, verða tær sendar til Landssjúkrahúsið, har røntgenlækni lesur myndirnar. Svarið verður síðani sent til tín kommunulækna.
Tú hevur tískil altíð møguleika at velja nærmasta sjúkrahús, tá tú hevur fingið ávísing til røntgen.
Vegna
Sjúkrahúsverk Føroya
Røntgen á Klaksvíkar Sjúkrahúsi, Suðuroyar Sjúkrahúsi og á Landssjúkrahúsinum
