Sum liður í at menna og styrkja samstarvið og samskiftið millum partarnar, er avtala gjørd um, at visitator frá Tórshavnar Kommunu kemur at vera á Landssjúkahúsinum hvønn týsdag frá kl. 12-15.
Talan er í fyrstu syftu um eina royndartíð á 3 mánaðir.
Endamálið við slíkari undanvisitatión er at skapa enn betur grundarlag fyri góðari og smidligari útskrivingartilgongd saman við borgarunum, og samstundis fyribyrgja afturinnleggingar.
Ein slík skipan er ein ágóði fyri sjúkling, avvarðandi, sjúkrahús og kommunu.
Á myndini starvsfólk frá Heilsu- og umsorganartænastuni og starvsfólk á Landssjúkrahúsinum, sum samskifta um útskrivingar av Landssjúkrahúsinum gerandis.
