Landssjúkrahúsið hevur í dag fingið góðskugóðkenning frá danska stovninum IKAS, sum kannar um sjúkrahús lúka neyðugu dygdarkrøvini.
Fólk frá IKAS vóru í Føroyum í vár og kannaðu føroysku sjúkrahúsini, og fekk Landssjúkrahúsið tá eina fyribils góðkenning við viðmerkingum.
Í dag hevur Landssjúkrahúsið móttikið avgerðina hjá IKAS um, at sjúkrahúsið nú uppfyllir neyðugu treytirnar fyri at vera góðskugóðkent.
Góðkenningin er galdandi fram til 19. apríl 2020.