Landssjúkrahúsið takkar fyri eitt hendingaríkt ár. Góðskugóðkenningin, sum heilsustarvsfólk áhaldandi hava arbeitt við í 2017, var eitt stórt stig í mun til at skipa trygd og dygd í sjúklingagongdum framyvir.
Somuleiðis fegnast vit um, at H-bygningurin, sum nú er sjónliga ávegis, fer at veita nýggjar møguleikar til frama fyri føroyskar sjúklingar.
Á jólum royna vit at hugna um. Jóladagarnar er tónleikur á skrá, og jólamenn vitja á barnadeildini. Jólaaftan er guðstænasta í forhøllini, og um kvøldið bjóðar sjúkrahúsið góðan jóladøgurða, eins og hvør sjúklingur fær eina lítla gávu. Fyrsta jóladag spælir Frelsunarherurin í Stóragarði, sum siðvenja er.
Við hesum vil Landssjúkrahúsið og Sjúkrahússtjórnin ynskja øllum eini gleðilig jól og eitt gott nýggjár.
