Hósdagin 19. mai 2016 verður aftur hildin almennur granskingardagur í forhøllini á Landssjúkrahúsinum, har sjóneykan verður sett á gransking, ið verður framd á ella hevur samband við Landssjúkrahúsið.
Granskingarnevndin á Landssjúkrahúsinum metir, at við góðu royndunum frá undanfarnu árum, kunnu vit bert staðfesta, at tørvur og áhugi er fyri, at gransking á Landssjúkrahúsinum verður lýst á serstøkum tiltaki.
Á Granskingardegnum verður høvi at hoyra um og síggja granskingarverkætlanir, ið hava eitt ávíst tilknýti til Landssjúkrahúsið.
Høvi verður at hoyra fleiri styttri fyrilestrar og síggja framsýning av verkætlanarpostarum.
Aftur í ár verður skipað fyri kapping millum tey, ið hava latið inn postara til Granskingardagin – heiðursløn verður latin besta postara, ið verður valdur av serstakari nevnd.
Sí skránna fyri granskingardagin her.
Fyrilestrar á Granskingardegnum verða hesir:
An outbreak of Vancomycin resistant Enterococcus faecium (VRE) in the Faroe Islands
– Treatment with antibiotics as risk factor for VRE colonization
v/ William Smith, smittuverjufrøðingur
Behind every dot there is a patient
v/ Eydna Lindenskov, bachelor í sjúkrarøktarfrøði og Bjørghild Nolsøe, bachelor í sjúkrarøktarfrøði
BiFaSeps Study - Biomarkers-Faroeislands-Sepsis-study sMR and Expression of CD 64 Receptors on Neutrophils in Bacteraemia
v/ Shahin Gaini, yvirlækni Phd, serlækni í medisin og Infektiónsmedisin
Bedring af søvnkvalitet med Musik-lyttepuder for unge i Ambulatoriet for B&U, Psykiatriski Depilin, Landssjúkrahúsið, Tórshavn
v/ Sanne Storm, musikterapeutur og granskari
Basic Body Awareness Therapy – Fremur rørslukvalitet og heilsu í gerandisdegnum
v/ Jórun Simonsen, fysioterapeutur, spec í BBAT og Lív Egholm, fysioterapeutur, spec í BBAT
Les meiri um gransking og granskarar á Landssjúkrahúsinum her.
Granskingarnevndin á Landssjúkrahúsinum
