Amanda Vang et al., Frontiers in Pharmacology, August 2016.
Vanlig viðgerð við heilivági fyri autoimmunar sjúkur hevur nógv hjáárin, og tískil er tørvur á betri viðgerð.
Í august útgávuni av tíðarritinum Frontiers in Pharmacology, vístu Vang et al. 2016 á, at forðing av PDE8, eitt enzým (ein kveiki) í brunukyknum, møguliga er ein betri háttur at viðgera autoimmunar sjúkur, enn við núverandi tøka heilivágnum.
Fyri at gerast sjúkuelvandi, mugu immun kyknur knýta seg at blóðkørum og fara burtur úr blóðstreyminum.
Í hesi granskingini, bleiv eitt slag av heilivági sum forðar PDE8, veitt immunkyknum og blóðkørum í einum glasi.
Úrslitið gjørdist, at heilivágurin foraði immunkyknum og blóðkørum at knýta seg hvørt til annað.
Burturúr hesum gerst tí greitt, at PDE8 heilivágur hevur virkna á kyknir í glasi og í mýs, sum ert týðani vitan, innan til ber at royna heilivágin til menniskju við autoimmunum sjúkum.
Gransking av PDE8 sum heilivág verður fíggjað av Granskingarráðnum til Amandu Vang á Diagnostiska Deplinum á Landssjúkrahúsinum.
Kannað verður, um tjúkktarmsbiopsiir við brunubroytingum hava meira PDE8 í mun til ikki-brunarakt øki.
Verkætlanin hjá Granskingarráðum verður gjørd saman við Maciej Kaminski, patologi, Kára R. Nielsen, yvirlækni í gastroenterology á Landssjúkrahúsinum, og Nicolina M. Ovadóttir, master-lesandi í biomedicin.
Endamálið við hesi gransking er, at útvega neyðug prógv fyri at byrja kliniskar royndir við PDE8 forðara, til gagns fyri sjúklingar við autoimmunum sjúkum.
Ávísing: Vang AG, Basole C, Dong H, Nguyen RK, Housley W, Guernsey L, Adami AJ, Thrall RS, Clark RB, Epstein PM and Brocke S (2016) Differential Expression and Function of PDE8 and PDE4 in Effector T cells: Implications for PDE8 as a Drug Target in Inflammation. Front. Pharmacol. 7:259. doi: 10.3389/fphar.2016.00259
Leinkja til greinina finnist her.