11 tilburðir av multiresistentu bakteriuni VRE eru staðfestir á Landssjúkrahúsinum seinast vikurnar. Mett verður, at smittukeldan upprunaliga stavar úr Danmark, tí donsk sjúkrahús eisini hava havt fleiri tilburðir.
Bakterian stavar frá Enterokokkum, sum er ein vanlig tarmbakteria. VRE eru enterokokkar, sum eru vorðnir vancomycinresistentir.
Bakterian er tó einans til ampa fyri fólk við veikari immunverju, og verður tí vanliga mett sum ein avbjóðing fyri sjúkrahús, tá smitta uppstendur, í meðan ongi serlig atlit eru at taka hjá borgarum, annað enn at vandaligt hondreinføri er besta smittufyribyrgjandi tiltakið eisini heima við hús.
Á Landssjúkrahúsinum verða øll fyrilit tikin fyri at fáa steðga smittuni sum skjótast.