Kunningarfundurin verður á Landssjúkrahúsinum 28.desember 2015 kl. 13-15.
Sum liður í menningini av føroyska heilsuverkinum ynskir Landssjúkrahúsið at knýta og viðlíkahalda samband við læknalesandi og yngri læknar undir útbúgving. Tí vil Landssjúkrahúsið tann 28. desember 2015 bjóða øllum føroyskum læknalesandi í Póllandi at koma til kunningarfund á Landssjúkrahúsinum, har ymisk viðkomandi evni verða viðgjørd.
Skrá fyri kunningarfundin:
1. Vælkomin v/ Johnny í Grótinum, sjúkrahússtjóra
2. At arbeiða á Landssjúkrahúsinum í Føroyum v/ Valborg Heinesen, intro-lækna
3. Upplegg frá Tormóður Stórá, leiðandi yvirlækna á Psykiatriska deplinum
4. Svar uppá spurningar, sum vit hava fingið frá føroyskum læknalesandi í Póllandi
5. Ymiskt
Fundurin verður í fundarhølinum G2, kl. 13.00-15.00. Inngongd í forhøllini á Landssjúkrahúsinum, til ber at spyrja um veg í leiðbeiningini.
Vinarliga boða frá luttøku á selma@ls.fo.