8. APRÍL 2020
Í Sjúkrahúsverkinum halda tiltøkini fram restina av aprílmánaða í fyrstu syftu.
Tað vil siga, at sjúklingar framvegis fara at uppliva, at viðgerðir og kanningar verða útsettar komandi tíðina. Hetta er tó bara galdandi fyri teir sjúklingar, ið kunnu bíða. Tað er serlækni, sum metir um í hvørjum einstøkum føri og allir sjúklingar fáa boð um broytingar eru.
Samstundis eru deildirnar farnar undir at fyrireika, hvussu ferð so smátt kann setast á aftur virksemið, so fleiri fólk fáa viðgerð. Samanumtikið kann sigast, at:
· Verandi tiltøk, ið eru sett í verk fyri at tálma smittuspjaðing, halda fram restina av aprílmánaða
· Fyri sjúklingar merkir tað, at ikki bráðfeingis viðgerðir og kanningar kunnu framhaldandi verða útsettar
· Deildirnar eru farnar at fyrireika, hvussu ferð so smátt kann setast aftur virksemið, so fleiri fólk fáa viðgerðir