Vit hava gjørt ein nýggjan kunningarfilm um dysfagi. Matur til tey, ið hava ilt við at tyggja og svølgja
Køkurin er á mangan hátt hjartað í Sjúkrahúsverkinum. Her gera tey mat til allar innlagdar sjúklingar, og tey leggja seg eftir at gera mat, ið er dygdargóður, føðsluríkur og vakur á at líta.
Nakrir sjúklingar hava torført við at tyggja og svølgja, og kunnu hava ilt við at eta vanligan mat. Hetta rópast dysfagi. Tá sjúklingar hava dysfagi samstarvast køkurin við dietist og ergoterapeut soleiðis at sjúklingurin fær bestu viðgerð undir innleggjan.
Á sjúkrahúsinum verður nógv gjørt burtur úr at eisini tey fáa mat, sum er leskiligur og góður.
