Vit vilja menna hugburðin um, at fólk við demensi kunnu bøta um sína støðu og mennast. Í tí sambandi hava vit fingið Karen Tannebeck og Ullu Vidkjær Fejerskov frá Videnscenterfordemens.dk at undirvísa.
Tí skipar Demensklinikkin á Psykiatriska deplinum fyri skeiði í Kognitivari Stimulatiónsterapi (CST) hin 30. august kl 8.30 til 15.30. Skeiðið verður í Veitsluhøllini á Landssjúkrahúsinum.
Les meira um skeiðið HER
CST hevur ment seg til at vera eitt viðurkent háttarlag, sum Heilsustýri í Danmark leggur dent á. CST verður viðmælt, sum aktivitetir til menniskju við demensi. Tey fara at gera leiðreglur um hetta í 2023.
Hátturin, Kognitiv stimulatiónsterapi (CST), er mentur í Onglandi og gransking vísir, at hetta hevur jaliga ávirkan á kognitiva funktiónsstøðið, og grundin er fjølbroytni í aktivitetum í einum jaligum og hóskandi avbjóðandi læringsumhvørvi.
Harvið kann CST hjálpa til við, at viðlíkahalda og styrkja netverkið í heilanum, ið formar grundalagið fyri kognitivum funktiónum. Háttalagið økir lívsvirði hjá fólki við lættari til moderatari demenssjúku.
Á skeiðnum fært tú vitan og førleikar at leiða ein CST-bólk fyri fólk við demensi.
