Hesa vikuna verður varpað ljós á heilsugransking tengd at Landssjúkrahúsinum. Undanfarin ár hevur ein árligur granskingardagur verið hildin um várið – í fjør varð hesin tó av ongum orsakað av korona.
Av tí at koronustøðan enn er ógreið, hevur Granskingarnevndin á Landssjúkrahúsinum valt at skipa fyri einum øðrvísi tiltaki at varpa ljós á heilsugransking á Landssjúkrahúsinum.
Øll, ið fáast við gransking á Landssjúkrahúsinum, eru biðin um at senda abstrakt inn – og eru í flestu førum komnir postarar burturúr. Hesir postarar vera sýndir fram í forhøllini á LS alla vikuna (viku 21) Eisini eru gjørd stutt videobrot, har granskararnir hava høvi í stuttum at lýsa innihaldið í teirra gransking.
Granskingarnevndin á Landssjúkrahúsinum frøist um, enn einaferð at hava fingið ein hóp av abstraktum inn – og at eisini ber til at sýna øllum postarar í forhøllini, ið vísir hvat rørir seg innan heilsugransking á Landssjúkrahúsinum.