Nýggj sending við koppingarevni kemur til landið í morgin, og nú verður latið upp fyri nýggjum bólkingum á korona.fo. Tað eru tey, ið eru 75 ár og eldri, sum kunnu bóka tíð til koronukoppseting.
Eftir øllum at døma kemur nýggj sending við koppingarevni frá Pfizer til Føroya í annaðkvøld, og verður koppsetingin tí tikin uppaftur hósdagin. Talan er um umleið 4.000 skamtar av koppingarevni hesaferð.
Góður helmingurin av skamtunum verður brúktur til at koppseta fólk, ið ikki eru koppsett áður. Restin skal nýtast til at endurkoppseta fólk, ið hava fingið fyrra prikið.
Í fyrstu syftu eru tað fólk, ið eru 75 ár og eldri, sum fáa tilboð um at bóka tíð til koppseting á korona.fo.
Góð ráð, tá ið tú kemur á koppsetingarstaðið
Tá ið tú kemur á koppsetingarstaðið skalt tú brúka:
Hugsa eisini um hvørjum tú ert í. Tú fært eitt prik í armin, og best er um starvsfólkini lættliga kunnu koma framat at prika.
Sjúkrahúsverkið hevur gjørt ein lítlan film við góðum ráðum til tín, sum skal koppsetast. Sí filmin HER
