Tekur tú av tilboðnum um regluliga kanning fyri kyknubroytingar í lívmóðurhálsinum?
Kyknubroytingar kunnu verða forstig til lívmóðurhálskrabba, sum til ber at síggja langt frammanundan, og tí kann fyribyrgjast.
Tí verður staðiliga heitt á teg, um at taka av tilboðnum næstu ferð tú fært innbjóðingarbræv sendandi.
Vanligt innbjóðingarbræv verður sent tær 3. hvørt ár. Ert tú í eftirlitbólki, fært tú bræv við styttri millumbili.
Um tú sjálvboðin gongur til regluligar kanningar, fært tú ikki innbjóðing.
Ivast tú í, nær tú seinast hevur verið til kanning, ber til at ringja á tel. 30 45 00 til Landssjúkrahúsið og spyrja teg fyri. Bið um Patologisku deild, lokal. nr. 5604.
Kvinnur uttanfyri aldursmarkið kunnu altíð sjálvar biðja kommunulæknan um at verða kannaðar fyri kyknubroytingar í lívmóðurhálsi.
Les meiri um regluliga kanning fyri kyknubroytingar í lívmóðurhálsi við at trýsta á her.
