Hvørt ár verða yvir túsund føroyingar kannaðir og/ella viðgjørdir uttanlands, men vit vita tíverri alt ov lítið um, hvussu føroyingar sjálvir uppliva hetta.
Tískil gera næmingar á RUC eina kanning, sum er eitt samstarv millum Uttanlandstænastuna á LS, Krabbameinsfelagið og lesandi, sum skriva serritgerð á Roskilde Universiteti.
Kanningin vendir sær til borgarar, ið búgva í Føroyum og hava verið noyddir at fara uttanlands at verða kannaðir og/ella viðgjørdir fyri eina likamliga sjúku.
Tað vil siga, at hendan kanningin fevnir ikki um viðgerð av sálarligum sjúkum.
Foreldur, ið hava verið við sínum børnum til kanningar og/ella viðgerð uttanlands, eru eisini hjartaliga vælkomin at svara vegna børn síni.
Tað tekur uml. 10-15 minuttir at svara kanningini.
Tú verður dulnevnd/ur.
Hevur tú spurningar ella tekniskar trupulleikar, ert tú vælkomin at skriva til figj@ruc.dk
Vit takka frammanundan fyri tína hjálp!
Trýst á leinkjuna her, fyri at koma til spurnarkanningina.
