Avtala er gjørd við Rudi Kollslíð, hjartalækna, at hon hetta komandi árið verður virkandi leiðandi yvirlækni á Medisinska deplinum á Landssjúkrahúsinum.
Umframt Rudi telir depilsleiðslan á Medisinska deplinum Ingun Gaardbo, leiðandi sjúkrarøktarfrøðing.
Fyri at styrkja læknafakligu leiðsluna á medisinska deplinum hevur stjórnin harumframt heitt á yvirlæknarnar Elmar Ósa og Shahin Gaini um at vera partur av læknafakligum leiðslutoymi á Medisinska deplinum saman við Rudi.
Elmar sum ábyrgdarhavandi fyri útbúgving og rekrutering, meðan Shahin hevur ábyrgdina av granskingini á deplinum og er umboð fyri Landssjúkrahúsið í stýrinum fyri Deplinum fyri Heilsugransking.
Rudi Kollslíð er hjartalækni, ið hevur starvast á Landssjúkrahúsinum sum yvirlækni síðani 2012. Elmar Ósá, yvirlækni, hevur starvast sum barnalækni á Landssjúkrahúsinum síðani 2011, meðan Shahin Gaini hevur verið yvirlækni í infektiónsmedisin síðani 2012.
Setanin er í eitt ár frá 1. mars 2017.
