Landssjúkrahúsið hevur nú longt avtaluna við íslendska serlæknan Kristján Skúli Ásgeirsson, sum skurðviðgerð føroyskar kvinnur við bróstkrabba. Leiðslan á skurðdeplinum saman við sjúkrahússtjórnini og Kristján Skúli Ásgeirsson eru samd um fyribils at leingja samstarvsavtaluna fram til 31. desember 2018.
Landssjúkrahúsið hevur í seinastuni kannað møguleikarnar fyri at flyta viðgerðina av bróstkrabbasjúklingum til Danmarkar í eina pakkaviðgerð, eins og føroyskir sjúklingar við øðrum krabbasjúkum fáa. Men ivamál viðførdu, at Landssjúkrahúsið ikki vildi bíða longur, og tí valdi at leingja avtaluna við Kristján Skúla.
Landssjúkrahúsið vil framyvir vera í tøttum samskifti við Krabbameinsfelagið um, at framtíðartryggja sjúklingagongdina hjá bróstkrabbasjúklingum.
