Í kvøld kl. 19.00 verður árliga brandvenjingin hjá Tórshavnar Sløkkiliði á Landssjúkrahúsinum.
Ætlanin er at gera eina roykvenjing á 4. hædd í grøna B bygninginum, og eina venjing við stigabilinum í G bygninginum.
Roynt verður at gera venjingina so veruleikakenda sum gjørligt.
Tekniska deild og Sjúkraflutningstænastan eru við í venjingini, eins og starvsfólk á Landssjúkrahúsinum luttaka sum sjúklingar/statistar.
Av tí at hetta er brandvenjing nr. 50 hjá Tórshavnar Sløkkiliði á Landssjúkrahúsinum, verður hátíðarløta aftaná venjingina við døgurða fyri teimum, sum hava luttikið.