Á triðja sinni luttekur Landssjúkrahúsið á Mentanarnáttini, sum í ár verður fríggjakvøldið 3. juni. Árini frammanundan hava nógv fólk vitja á Landssjúkrahúsinum á Mentanarnáttini, og vit stremba tí aftur í ár eftir, at vísa fram partar av sjúkrahúsinum sum borgarar vanliga ikki hava atgongd til.
Tveir túrar við rundvísing verða, sum byrja við reyðu bygningarnar á Eirargarði 14.
Fyrri túrurin er kl. 18.30 og seinni kl. 19.00. Túrarnir varða í uml. 1 tíma.
Skráin:
Kl. 18.30
Eirargarður og tunnilin
Styttri søgulig frágreiðing um LS á Eirargarði, har farið verður niður í tunnilin og oman í maskinrúmið.
Maskinrúmið á LS
Framvísing og frágreiðing um maskinrúmið.
Ganga umvegis tunnilin undir J.C Svabosgøtu oman í B-Bygningin
Greitt verður frá krígshospitalinum á vegnum.
Sektiónsstovan
Framvísing og frágreiðing um arbeiðsuppgávur í sektiónsstovuni.
Rannsóknarstovan
Framsýning og frágreiðing um arbeiðsuppgávur og nýmótans tøkni innan rannsóknarøkið.
Vitja framsýning av nýggja H bygninginum í forhøllini, og túrur upp á takið á grøna bygninginum
Frágreiðing um nýggja bygningin, við møguleika at síggja hann í 3D brillum. Um viðrar, verður gingið upp trappurnar á 9. hædd og út á takið.
Liðugt
LS bjóðar gómagott í forhøllini.
Seinni túrur byrjar klokkan 19.00, og skráin er tann sama sum omanfyri.
Vælkomin sum gestur á Landssjúkrahúsið.
