6. NOVEMBER 2016
Almennur valfundur verður í forhøllini á Landssjúkrahúsinum mánadagin 7. november kl. 15.00 til uml. 16.00.
Umboð fyri flokkarnar vera tilstaðar.
Johnny í Grótinum, sjúkrahússtjóri, byrjar við einum stuttum innleggi. Síðani fær hvør flokkur 2 min. til innleiðing.
Kári Mikkelsen tíðindamaður og samskiftisráðgevi verður fundarstjóri.
Evnir til valfundin, sum vit á LS m.a. kundu hugsa okkum at hoyrt meiningar um, eru:
- Hvussu tryggja vit eitt betri samstarv millum LS og Tórshavnar Kommunu um nakrar av veikastu borgarum landsins, liðugt viðgjørdar sjúklingar?
- Hvussu kann samstarv millum LS og Tórshavnar Kommunu tryggja, at høvuðsstaðurin fær sum mest burtur úr størstu almenna byggjaríinum komandi 4 árini?
- Hvussu kunnu LS og Tórshavnar Kommun samstarva um økið rundan um nýggja H-bygningin, her hugsa vit um t.d. parkering (parkeringskjallara í bygninginum), fjørðuna, prominadu yvir til Sandagerð og náttúruna annars?
- Hvussu við bussleiðini, fólk sum skulu møta t.d. kl. 07:00 til arbeiðis, fáa ikki brúkt hana?
- O.a.
Vælkomin.
