Í Føroyum hava vit havt møguleika at viðgera typu 1 diabetikarar við insulinpumpu síðan 2004.
3 royndarpersónar byrjaðu í juni 2004. Tað var ein succes frá byrjan, og nú hava eini 120 føroyingar við typu 1 diabetes insulinpumpu.
Landssjúkrahúsið fær javnan serkøn fólk frá medicinalfyritøkunum at hjálpa við undirvísingini á hesum serliga viðgerðarøki.
Nú um dagarnar eru fólk á vitjan á Landssjúkrahúsinum, og í hesum sambandi eru 27 av insulinpumpu brúkarunum bjóðaði til undirvísing, har høvi eisini er at fáa ágóðan at royndum hjá hvør øðrum við hesi viðgerðini.
Í juni 2015 var eitt líknandi tiltak á Landssjúkrahúsinum.