Læknalesandi fingið kunning um møguleikar á LS

Hvørt ár í juli skipar Landssjúkrahúsið fyri summarfundi fyri læknalesandi, har kunnað verður um útbúgvingarmøguleikar á LS.

Yngri læknar sum longu eru í skipanini greiddu frá teirra fatan av "Tidlig klinisk ophold" og  "Klinisk basis uddannelse", ið umfatar uppihald á Landssjúkrahúsinum ávíst tíðarskeið, sum partur av útbúgvingini.  

Harumframt var greitt frá granskingarmøguleikum á LS og virkseminum hjá Útbúgvingarnevndini.

Fleiri læknar eru í útbúgvingarskipanini hjá LS til heystar:

• 13 KBU læknar (klinisk basis uddannelse)
• 3 introstørv í ávikavist psykiatri, intern medisin og ortopædkirurgi
• 13 í útbúgvingarstarvi í almen medisin 

Uml. 100 føroyingar eru læknalesandi, og summarfundurin er tí eitt afturvendandi tiltak á hvørjum ári.