Í morgun vóru Andrew I. Vang og Kári Árting í blóðbankanum á Rannsóknarstovuni og góvu blóð. Tað hava teir við degnum í dag gjørt heilar 75 ferðir hvør.
Í tí sambandi legði stjórin á Landssjúkrahúsinum, Johnny í Grótinum, leiðina framvið, og takkaði fyri. Somuleiðis fingu teir handað blómur.
Tað er av alstórum týdningi, at blóðbankarnir í Føroyum altíð hava ávíst lagur av blóði til taks til óvæntaðar støður.
Til ber at melda seg sum blóðgeva á Landssjúkrahúsinum á www.gevidblod.fo, og á Klaksvíkar sjúkrahúsi og Suðuroyar sjúkrahúsi umvegis teirra heimasíður.
