Frá í dag av verða allar innkallingar frá Røntgendeildini á Landssjúkrahúsinum sendar borgarum umvegis Mínboks.
Hetta merkir, at uml. 12.000 innkallingar árliga verða avgreiddar umvegis Mínboks.
Mín boks virkar soleiðis, at eitt p-tal er knýtt at brævinum sum fer í Mínboks. Skipanin avlesur talið, og sendur tað í innbakkan hjá borgaranum.
Borgarin fær síðani ein T-post um, at bræv er komið í Mínboks.
Um borgarin ikki lesur brævið innan 2 dagar, fær hann ein T-post við áminning. Lesur hann framvegis ikki brævið í Mínboks innan nakrar dagar, verður tað prenta og borið út umvegis Posta.
Um borgarin ikki hevur melda seg til Mínboks, prentar skipanin brævið beinanvegin og borgarin fær tað umvegis Posta.
Til ber at melda seg til Mínboks á www.minboks.fo
