Sum liður í menningini av føroyska heilsuverkinum ynskja Landssjúkrahúsið, Klaksvíkar sjúkrahús, Suðuroyar sjúkrahús, Deildin fyri Arbeiðs- og almannaheilsu og Ílegusavnið, at knýta og viðlíkahalda samband við læknalesandi og KBU-læknar/yngri læknar. Tí vil heilsuverkið tann 24. juli 2015 bjóða øllum læknalesandi at koma til kunningarfund á Landssjúkrahúsinum, har ymisk viðkomandi evni verða viðgjørd.
Á fundinum verða fylgjandi evnir:
1. Vælkomin v/ Høgna Djurhuus, virkandi varastjóra
2. At vera KBU-lækni í Føroyum v/ Ester Weihe, KBU-lækna
3. Kunning um granskingarmøguleikar í heilsuverkinum í Føroyum
v/ Rudi Kollslíð, yvirlækna
4. Kanning hjá LÍK
5. Ymiskt
Fundurin verður í Veitsluhøllini á Landssjúkrahúsinum, Eirargarður 7 og verður hildin frá kl. 14-16. Best er um fólk boða frá luttøku á ls@ls.fo (men ikki avgerandi treyt).
Vegna stovnarnar í Heilsuverkinum
