Landsstýriskvinnan í heilsumálum, Sirið Stenberg, hevur gjørt av at seta Johan Jansson í starv sum nýggjan varastjóra við læknafakligari bakgrund á Landssjúkrahúsinum.
Johan Jansson er 54 ára gamal, ættaður úr Álandi og hevur royndir við at arbeiða í einum oyggjasamfelag.
Johan Jansson er útbúgvin lækni frá Åbo Universiteti í Álandi og gjørdist serlækni í psykiatri í 1997. Hann hevur 20 ára starvsroyndir sum lækni, harav 14 ára viðkomandi leiðsluroyndir á strategiskum stigi bæði innan almenna og privata heilsugeiran í Svøríki, har hann hevur verið leiðari við 170 fólkum undir sær. Johan Jansson hevur eisini drúgvar royndir við broytingarleiðslu umframt stóra vitan og kunnleika til m.a. at seta kvalitetsskipanir í verk.
Johan dugir fleiri mál og er vanur við at arbeiða við fleiri mentanum.
Johan Jansson byrjar í starvinum 1. januar 2016.
