Nú verkætlanin við nýggja H-bygninginum er farin í gong, er áhugaverd framsýning í forhøllini á Landssjúkrahúsinum um nýggja bygningin.
Til ber at síggja myndir og model av bygninginum, umframt at vitja eina sjúklingastovu í fullari stødd soleiðis sum tær koma at síggja út, tá bygningurin er liðugur.
Somuleiðis er filmsbrot sum vísur nýhugsan viðv. goymslu av seingjum.
Harumframt eru myndir av bygningum hjá Landssjúkrahúsinum, sum vísa menningina av stovninum síðani 1924, tá Dronning Alexandrines Hospital opnaði í bygninginum har føðideildin er í dag.
Framsýningin er beint innanfyri høvuðsdyrnar, á høgru síðu. Hon stendur opin alt døgnið, og ætlandi fram til á Ólavsøku.
