Á Mentanarnáttini fer Landssjúkrahúsið aftur í ár at lata dyrnar upp til forvitnislig støð á sjúkrahúsinum, har fólk vanliga ikki hava atgongd.
Gongutúr í tunnlinum
Vit bjóða gongutúr í tunlinum undir sjúkrahúsinum, frá bygningunum á Eirargarði og oman til høvuðsbygningin. Byrjað verður við reyðu lonirnar, haðani gingið verður undir psykiatrisku sjúkrahúsbygningarnar oman til Tænastubygningarnar, og víðar undir J. C. Svabosgøtu oman í forhøllina á Landssjúkrahúsinum. Túrurin er eitt vet undir ein kilometur og tekur áleið 15-20 min.
Í Forhøllini verður okkurt leskiligt til góman.
Nær: Tveir túrar verða, ávikavist kl 18.00 og kl. 18.30.
Hvar: Vit møta tær við dyrnar til reyðu lonirnar á Eirargarði 14/16.
Forhøllin
Í forhøllini fer Fólkaheilsuráðið at bjóða fram heilsukanningar.
Til ber at taka blóðtrýst, langtíðar blóðsukur, lungafunktión og vekt (BMI-vøddamassi-feittprosent).
Út á takið á grøna bygninginum
Frá forhøllini verður møguleiki at ganga 164 trapputrinini upp á 8. hædd og út á takið á grøna bygninginum. Har fært tú frálíkt útsýni yvir høvuðsstaðin.
Nær: Millum kl. 18.00 og kl. 20.00.
Hvar: Úr forhøllini.
Framvísing av nýggja sjúkrahúsbygninginum
Nýggi H bygningurin er væl áleiðis, og nú ber til at síggja avbera góðu umstøðurnar, sum bæði sjúklingar og starvsfólk fara at fáa. Framvísing verður við bólkum á áleið 10 fólkum.
Nær: kl. 18.00.
Hvar: Frammanfyri bygningin ímóti sjónum. Frá Álakeri ber til at ganga yvir ímóti bygninginum, har starvsfólk fara at taka ímóti.
Øll tiltøkini verða við atliti til koronutilmælini.
Vælkomin
