Hóast virksemið á sjúkrahúsinum er skert orsakað av korona, fáa allir okkara sjúklingar ta viðgerð, teir hava tørv á.
Fyri góðari viku síðani fóru tey trý sjúkrahúsini niður í ferð, fyri at minka um vandan fyri koronasmittuni, og fyri at vera til reiðar at taka ímóti sjúklingum við koronavirus. Hesi tiltøk halda fyribils fram til 2. páskadag.
Broytingarnar hava við sær, at fleiri sjúklingar kunnu rokna við nakað av bíðitíð til viðgerð og kanningar. Tíðir verða tó bert útsettar, um tað verður mett læknafakliga ráðiligt.
Allir sjúklingar fáa boð frá sjúkrahúsinum, um tíðin verður broytt, so ikki er neyðugt hjá sjúklingum at ringja á deildirnar hesum viðvíkjandi.
