Ávísing frá kommunulækna
Fyri at koma í viðgerð fyri barnloysi, skal tú venda tær til tín kommunulækna. Innan hetta skalt tú tryggja tær, at tú lúkar treytirnar fyri at fáa viðgerð.
|
Tal á børnum
Landið vil fíggja upp til tvey felags børn fyri barnleys pør, sum liva saman í hjúnarbandi ella líknandi parlagi.
|
Leiðreglur fyri fertilitetsviðgerð
Treytirnar fyri at kunna veita fertilitetsviðgerð við infertilitet -barnloysi, har tað almenna kann bera kostnaðin eru hesar:
1. Parið er í einum støðugum parlagi við felags bústaði
(eisini á Fólkayvirlitinum) í minsta lagið í 2 ár
2. Parið skal hava havt minst eitt ára óviljað barnloysi
uttan graviditet í tí árinum (áðrenn ávísing til LS)
3. Øll pør skulu til samrøðu áðrenn útgreinan
4. Hvørgin av pørtunum í parinum kann vera
steriliseraður
5. BMI hjá kvinnuni skal vera yvir 18 og undir 35
6. Parið skal gjøgnumganga vanliga útgreinan fyri
barnloysi
7. Heilsa og/ella lív hjá kvinnuni skal ikki setast í vanda
av viðgerð, viðgongu ella barnsburði
8. Um parið ongin børn hevur, kann hjálp veitast til tvey børn. Um børn eru í parlagnum, sum
annar parturin eigur, men onki felags barn (biologisk ella ættleitt), kann hjálp veitast til eitt felags
barn
9. Kvinnan skal hava fylt 25 ár og vera yngri enn 40 ár við byrjanini av hvørjum viðgerðarumfari.
Hetta er eisini galdandi við 2. ella 3. viðgerðarumfari.
Viðgerðarumfarið byrjar, tá kvinnan byrjar at taka heilivágin.
Aldursmarkið er galdandi fyri øll sløg av viðgerð sostatt eisini við egg- og sáðdonatión
10. Maðurin skal hava fylt 25 ár og vera yngri enn 55 ár
11. Barnloysisútgreinanin skal ikki vísa á nakrar læknaligar, sálarligar og/ella sosialar
kontraindikatiónir móti viðgongutíð ella foreldraleikluti (so sum misbrúk, tung psykiatrisk
sjúka ella mental retardering).
12. Harumframt skal ongin av pørtunum hava fingið frátikið foreldramyndugleikan yvir barni áður.
