abcdef123123 |
asdfasdf |
asdfasdf |
GEV GÆTUR at ambulatoriið hjá Rannsóknarstovuni er flutt í nýumvæld hølir. Flytingin merkir, at kemur tú á Landssjúkrahúsið at taka blóðroynd ella EKG, skalt tú ikki longur møta í Bláa Ambulatoriinum, men fara inn gjøgnum høvuðsdyrnar á Landssjúkrahúsinum. Skeltir vísa tær veg inn í nýggju hølini.
Til ber framvegis til at seta bilin frá sær á parkeringsplássinum við J.C. Svabosgøtu.
Bíleggingarskipan
Tá tú eftir ávísing frá lækna skalt taka blóðroyndir og/ella EKG, ber til at bíleggja tíð hjá Rannsóknarstovuni á Landssjúkrahúsinum her.
Minst til at skráseta teg við bíleggingarnummarinum, ið tú hevur móttikið á tíni fartelefon, tá tú kemur á Rannsóknarstovuna.
Land og fæcesprøvar skulu eisini latast inn sama stað.
Hevur Landssjúkrahúsið sent tær innkalling til blóðroynd gjøgnum Mínboks, møtir tú á Landssjúkrahúsinum ávistu tíðina.
Skal eg vera fastandi?
Til summar blóðroyndir skal tú vera fastandi. Spyr læknan um tú ivast.
At vera fastandi merkir:
Mannagond
Starvsfólk á Rannsóknarstovuni taka blóðroyndir, ið læknin hevur umbiðið.
Blóðroyndirnar verða fluttar á Rannsóknarstovuna á Landssjúkrahúsinum til kanningar.
Flestu kanningarnar verða gjørdar á Rannsóknarstovuni, men ein partur verður sendur uttanlands á serstovur til kanningar.
Svar uppá blóðroyndir
Úrslitini av flestu rutinukanningum fyriliggja í Talgildu Heilsuskipanini dagin eftir.
Summar royndir hava longri svartíð, aloftast 2-3 vikur, men onkuntíð tekur tað mánaðir.
Tað ber ikki til at ringja beinleiðis á Rannsóknarstovuna fyri at fáa svar.
Avtala við læknan, hvussu tú fært svar.
Børn
Børn kunnu fáa Xylocain, sum er lokaldoyvandi evni, á húðina, áðrenn tey skulu prikast. Xylocain skal vera á í 5-10 minuttir, áðrenn tað virkar.
Eisini ber til at keypa EMLA-krem á Apotekinum at smyrja á. Tað skal sita á í uml. hálvan tíma, áðrenn blóðroyndirnar verða tiknar.
Les meira um blóðroyndir av børnum her.
Hiv-kanning
Tú kanst altíð koma inn at taka eina blóðroynd til HIV-kanning.
Tá er ikki neyðugt at hava ávísingarseðil við, og tú kanst eisini vera anonym/ur.
CTD-kanning
Til ber at taka eina blóðroynd til CTD-kanning uttan ávísing frá kommunulækna við at gjalda 100 kr.
Tak niður faldara um CTD her.
Hesar dagar er Rannsóknarstovan stongd
Flaggdagin, Grundlógardagin, Ólavsøkuaftan, Ólavsøkudag.